Majka učenice iz Podgorice bila je zatečena kada joj je kćerka donijela svesku sa primjedbama koje je ostavila njena učiteljica. Sudeći po njima, učiteljica nije savladala osnove maternjeg jezika, s obzirom na to da je svaka rečenica imala pravopisnu ili gramatičku grešku.
Postavlja se pitanje kako očekujemo da nam se djeca obrazuju ako ih “vode” prosvjetni radnici koji ih podučavaju rečenicama: “Nepričaj na čas”, “Učenica priča na čas”, “Prati linije u svesku kada crtaš”, napisala je na svom Facebook profilu majka učenice.
“Na šta je spala naša prosvjeta… Bruka i sramota… Kao što možete vidjeti, u pitanju je elementarna nepismenost dotične učiteljice. I šta ja kao roditelj treba da uradim i napišem ispod ovakvih poruka dotičnoj učiteljici?!“, napisala je razočarana majka.
