Nakon jutrošnjeg jakog zemljotresa u centralnoj Italiji, oko 14 sati se osjetio još jedan snažan potres magnitude od oko 5 stepeni Rihterove skale, bliže prijestonici Italije Rimu. Broj poginulih u zemljotresu koji je jutros pogodio pokrajinu Lacio popeo se na 38, prenose lokalni mediji.
Četvoro mališana izgubilo je život u snažnom zemljotresu koji je razrušio nekoliko gradova u Italiji. Najmlađe dijete staro je osam mjeseci, a najstarije 8 godina. I dalje spasioci vade žrtve iz ruševina.
Najpogođenija sela su Akumoli, Amatriče, Posta i Arkvata del Tronto. Zemljotres je registrovan u 03.36 sati, nedaleko od Peruđe, a pogodio je oblast koja se nalazi oko 170 kilometara od Rima i osjetio se na širokom području središnje Italije nakon čega su mnogi ljudi istrčali na ulice, navodi AP.
