Sport

Klopp: Guardiola je najbolji trener na svijetu

Jurgen Klopp, trener Liverpula, istakao je da je njegova ekipa spremna za derbi sezone protiv Mančester sitija, čiji ishod će imati značajnu ulogu u trci za titulu u Premijer ligi.

Poslije 30 odigranih mečeva, Siti ima 73, a Liverpul 72 poena. Meč se igra u nedjelju od 17.30 časova.

„Nemamo kadrovskih problema. I to je najvažnije. Igramo protiv najjačeg mogućeg rivala i Siti sigurno čini da i mi budemo bolji,“ istakao je njemački stručnjak.

Iako je meč na Etihadu važan, Klopp kaže da ništa neće biti završeno ni poslije ovog duela.

„Ako mi pobijedimo imat ćemo dva boda više, ako bude neriješeno ostaje bod viška za Siti, a ako izgubimo Siti će otići na četiri boda. Međutim, poslije ostaje još sedam kola, 21 bod je u opticaju, bit će ovo borba do posljednjeg kola“.

Posebno se Klopp osvrnuo na svog kolegu na klupi Mančester sitija Pepa Guardiolu.

„Guardiola je najbolji trener na svijetu. Ne vjerujem da iko ima bilo kakvu sumnju što se toga tiče,“ izjavio je Klopp.



Izvor
Rs.n1info.com

Komentariši

Vaša email adresa neće biti objavljivana.

Možda će Vas zanimati i:

Back to top button